أجمل أبيات الشعر . . من أختياركم

الشعر بحر لا ساحل له ومن الصعوبة حصر جميع الابيات الجميلة

نحاول نختار في الموضوع هذا بعض الابيات الشعرية

طبعاً اختلاف اذواقنا في الشعر تميز واثراء للموضوع

حنا هل العوجا ولا به مراوات
شرب المصايب مثل شرب الفناجيل


الملك فهد بن عبدالعزيز رحمة الله

يا ما حلا الفنجال مع سيحة البال
في مجلسٍ مافيه نفسٍ ثقيله
هذا ولد عم وهذا ولد خال
وهذا رفيقٍ ما ندور مثيله


الشيخ راكان بن حثلين رحمة الله

اضرب على الكايد اذا صرت بحلان
وعند الولي وصل الرشا وانقطاعه


الشيخ عبيد بن رشيد رحمة الله

ياليتني بينك وبين المضره
من غزة الشوكه الى سكرة الموت


الامير سعود بن بندر رحمة الله

كل جرح فات لي منك هديه
وش بلاك اتخاف من رد الهدايا


الامير بدر بن عبدالمحسن

ياوجودي كل ماهب نسناس الشمال
وجد من حده زمانه على اللي مايبيه
وجد من قفى وهو في رجا كلمة تعال
والتفت من بعد ما اقفا ولحدٍ لد فيه


الشاعر ضيدان بن قضعان

لينت لك قلب ما يلينه الحديد
ولديت لك عينٍ لغيرك ما بعد لديتها


الشاعر سلطان الهاجري

ياوجد حالي يابني عم السعد في كل حال
يوم المواتر خيل والموت الحمر تامينها


الشاعر محمد بن الذيب

ماجور ياللي من فراقك تعلمّت
ان الزمن يومين طيّب..وخيّب
فاجئتني بمفارقك ما تولمّت
كذا بدون اسباب عني تغيّب
اضحك واسولف وان لحقني سهر نمت
لكن قسم بالله ماني بطيّب


الشاعر محمد بن فطيس

عطيته كل شئٍ كنت أحبه
وعطاني كل شئ مايريده
عساي أنساه كان أني ظلمته
لا راح العمر من يقدر يعيده


الشاعر هلال المطيري

خلوني اسج عن موضوعه احسن لي
ولا الغلا والله ان يبطي وهو غالي


الشاعر سعد بن جدلان

منجا الشجاع الصيرمي والكريم معان
وترى العمر رحلة والمخاليق طرقيّه
وترى ما جزا الاحسان ياكون بالاحسان
وما دون ذلك يقطع الله طاريّه


الشاعر راشد المري

يامن سكنت اجمل زوايا كياني
ياما على نفسي عشانك تحاملت
عشان ماضيك الجميل وعشاني
حاول تشيل من الوفا ربع ماشلت


الشاعر متعب التركي

الجرح ماهو خاطر شوي ويروق
الجرح حتى لو تشافى يعللك
واذاك متحمس متاهات وطروق
انا تعبت اشد حيلي واحاولك


الشاعر سعد بن علوش

شفت الشجر وشلون صوته مع الريح؟
هذا حنيني يطلبك دوم بسكات


............


هذا اختياري لبعض الابيات ان شاء الله يعجبكم

وننتظر اختياراتكم لأجمل ابيات الشعر